Mata Kiyanu Mana | මට කියනු මැන

කුතුහලයෙන් යුතු ළමා මනස නිර්මාණ ශීලී මිනිසෙකු බිහිකිරීමට සමත් වේ. එහෙත් ළමා මනස නිර්මාණශීලී ලෙස වැඩීමට නම් කුතුහලයෙන් යුතු ළමයා අසන ප්‍රශ්න වලට සත්‍ය පිළිතුරු සැපයිය යුතුයි. බොහෝ දෙමාපියන්ට මෙන්ම ගුරුවරුන්ට ද මෙය ගැටලුවක් වී ඇත. ඒ එකකින් එකකට බැඳී තිබෙන ලෝකයත්, එහි ස්වභාවයන් හඳුනා ගැනීමට ළමයා දක්වන උනන්දුව නිසා ප්‍රශ්න සහ කුතුහලය වැඩිවන බැවිනි. මට කියනු මැන කෘතියේ අරමුණ ද එලෙස ලෝකය කුතුහලයෙන් ප්‍රශ්න කරන දූ දරුවන්ට සත්‍යය වටහා දීමයි. අනෙක් අතට එය දෙමාපියන්ට හා ගුරුවරුන්ට ද අස්වැසිල්ලක් වනු ඇත.