Showing all 4 results
අතිපූජ්‍ය දලයි ලාමා මාහිමි හෘදයාංගම උපදේශ | Herdayangama Upadesha
රු652.50
හෘදයංගම උපදේශ’ නමින් මණ්ඩාවල පඤ්ඤාවංස හිමියන් විසින් සිංහලට නගන ලද පූජනීය දලයි ලාමා මාහිමියන්ගේ මේ වටිනා උපදේශ ග්‍රන්ථය ප්‍රංස බසින් එළිදුටු, උන්වහන්සේගේ තවත් එක් කෘතියකි. මෙය දාර්ශනික ග්‍රන්ථයක් නොවේ. එහෙත් බුද්ධිමතුන්ටත්, සාමාන්‍ය පාඨක ජනතාවටත් එක සේ ප්‍රයෝජනවත් වන මෙය බොදු, කිතුනු, හින්දු, මුස්ලිම් ආගමික බෙදීමකින් තොර ව, අනේකවිධ දෝමනස්සයන්ගෙන් සිත නිරවුල් කොට, සැහැල්ලු ලෙස දිවි ගෙවන්නට හැම දෙනාට ම මග කියාදෙන මාහැඟි ග්‍රන්ථයකි.
බෞද්ධ හා බෞද්ධ නොවන ලෝකයේ විවිධ රටවල ජනතාවගේ අති මහත් ගෞරවයට පාත්‍ර වී සිටින අති පූජ්‍ය දැලයි ලාමා මාහිමියන් වහන්සේ, පුද්ගල ජීවිතය, පැවැත්ම හා මරණය සම්බන්ධයෙන් ලෝකයේ විවිධ පුද්ගලයන් නඟන, නොයෙක් ප්‍රශ්න වලට සිනහමුසු මුහුණින් යුතුව පිළිතුරු දෙති. ඔබ අතට පත් වන මෙම කෘතිය සැකසී ඇත්තේ ද එසේ උන්වහන්සේ වෙත නගන ලද විවිධ ප්‍රශ්න වලට සැපයුණු පිළිතුරු අනුසාරයෙනි. මෙහි එන විග්‍රහයන් බෞද්ධ දෘෂ්ටිය මත පදනම් ව නව ලෝකයේ ජීවන ගැටලු මැනවින් තෝරුමි ගනිමින් චතුමා විසින් සපයන ලද ඒවා ය. ප්‍රීතියෙන් යුතු ට මධ්‍යම ප්‍රතිපදාව තුළ හිඳිමින් ලෝක වාසීන්ගේ අනේකවිධ ප්‍රශ්න වලට පිළිතුරු දෙන්නට එතුමන් තුළ ඇති අපුරු හැකියාව නිසා ම බටහිර ලෝකයේ පමණක් නොව ලතින් අමරිකානු රටවලත්, ඉන්දියාට ප්‍රමුඛ පෙරදිග රටවලත් උන්වහන්සේගේ හඬ නින්නාද දෙමින් පවතී.
නැවතුම් නැති ජීවිතේ | Nawathum Nathi Jeewithe
රු1,125.00අතපය නැතිව ඉපැදුණු නික් සිය ජීවිතය ජය ගත් අන්දම පෙන්වා දෙමින් ලියූ පළමු පොත ‘සීමා නැති ජීවිතේ‘ ලොව පුරා අළෙවි වාර්තා තැබීය. මේ ඔහුගේ දෙවැනි පොත යි. සුබවාදී ආකල්ප හා ජීවිතය ජය ගැනීමේ මග පිළිබඳව දේශන පවත්වමින්, ලොව පුරා ආදරය හා භක්තිය බෙදා හදා දෙන නික් අපේ ජීවිත ජය ගැනීම සඳහා සිය අත්දැකීම් ගණනාවක් මේ පොත ඔස්සේ අපට පෙන්වා දෙයි. නොහැකියාවන් හැකියාවන් බවට ද, අසම්පූර්ණත්වය පරිපූර්ණත්වය බවට ද, පරාජයන් ජයග්‍රහණ බවට ද හරවා ගැනීමේ සූත්‍රයයි ‘නැවතුම් නැති ජීවිතේ‘.
රසකැවිලි වෙළෙන්දා | Rasakawili welenda
රු855.00‘A MASTER OF CHEKHOVIAN IRONY NARAYAN’S MALGUDI IS A METAPHOR, NOT OF INDIA, BUT OF THE WORLD’
WASHINGTON POST
ගම්බද දෙමාපියන් යටතේ චාම් ජීවිතයද, භගවත් ගීතාවේ ආභාෂයෙන් ආගමානුකූල හැදියාවද, මහාත්මා ගාන්ධි තුමාගේ ඇසුරෙන් ජාත්‍යාලය ද ඇති කරගන්නා ජගන්, ජාතික ව්‍යාපාරය, උද්ඝෝෂණ, රෝහල හා සිපිරි ගෙය හරහා රස කැවිලි වෙළඳාමකට බැස, සාධාරණව උපයා නගරයේ හොඳ නමක් ඇති කර ගනී.
සිදාදියේ කොලීජියක අධ්‍යාපනය එපාවී ඇමරිකාවේ මනෝලෝකී විශ්ව විද්‍යාලයක අධ්‍යාපනය ලබා හරක් මසටත් පුරුදුව සුදු කෙල්ලකද සමඟ ගෙදර එන මාලි ඉන්ද්‍රජාලික කථා කර්මාන්ත ශාලාවක් අරඹන්නට සැලැසුම් ඇඳ සිරගෙදරට යයි.
තම සුපුරුදු උපහාස රසය ලියන හැම වගන්තියකටම හිමින් සීරුවේ කවන නාරායන්,මේ පිය – පුතු දෙදෙනාගේ කතාව, පැරණි පන්නයේ ගෙයක්, මුද්‍රණාලයක්, පාසලක්, කඩවීදියක්, රස කැවිලි සාප්පුවක් සහ නටබුන් කෝවිලක් හරහා ප්‍රධාන චරිත කීපයක් ඇතුළු අනු චරිත ගණනාවක් යොදමින් ඉදිරිපත් කරන මේ සක්චරිතමය ඉංග්‍රීසි ප්‍රබන්ධය, තම සුපුරුදු සරල සුගම ශෛලියෙන් සිරිල් චන්ද්‍ර සේකර ගුණවර්ධන සිංහලයට පෙරලා ඉදිරිපත් කරන්නේ පාඨක සිත් ඒ වෙත ආදරණීයව බැඳ තබා ගනිමිනි.
සීත දේශයේ කම්බිලි | Seetha Deshaye Kambili
රු850.00සදිෂ්ගේ මෙම ග්‍රන්ථය කියවන විට මට සිහිපත් වූයේ සාරාමදිගේ කවියක එන ‘මගේ ගමන ඉතිහාසය සමග පමණි; සිදුවීම් සමග නොවේ . යන ප්‍රකාශයයි සදීෂ්ගේ දෙපා ගමන් කරන්නේ ද ඉතිහාසය සමගය. ශතවර්ෂ දෙකක් පුරාවට ශ්‍රී ලංකා ද්වීපයේ කඳුකර සීත කලාපයක කය වෙහෙසවමින් ජීවත් වන ඉන්දියානු දෙමළ ජනතාව මෙරටට පැමිණීමට බලපෑ සාධක, පැමිණි පසු මුහුණ දීමට සිදු වූ අනුවේදනීය අත්දැකීම්, ඔවුන්ට පුරවැසිභාවය හා ඡන්ද හිමිකම අහිමි වීම, ඉඩම් ප්‍රශ්න වලට මුහුණ දීම ආදී කරුණු පියවරෙන් පියවර ඉදිරිපත් කරමින් එම ජනයා හා බැඳුණු ඉතිහාසයේ අවධින් රැසක් තම ග්‍රන්ථය මගින් නිරූපනය කිරීමට කතුවරයා ගන්නා ප්‍රයත්නය පැසසුම් කටයුතුය.
තෙලිවත්තෛ ජෝෂප්
මානව වර්ගයාගේ ඉතිහාසය පිරී තිබුණේ අරගල වලින් සහ ප්‍රතිවිරෝධතා වලින් වුවත් මිනිස් ජීවිතය සෘජුව නඟා සිටුවීමට ඉවහල් වූයේ එම අරගල ම බව සඳහන් කිරීමට මෙහි කතුවරයා අමතක නො කරයි. තවමත් තම මූලික අයිතිවාසිකම් පවා අහිමිව, සීත කඳුකරයේ දළඹුවන් සේ දඟලමින් දුකසේ දිවි ගෙවන මෙරට වතු කම්කරු ජනතාවට සාම්ප්‍රදායික වහල් චින්තනයෙන් මිදී විකල්ප චින්තනය වැළඳගන්නැයි කතුවරයා හඬ හා පවසනු මෙය කියවන විට අපට ද ඇසෙයි.
ඇන්තනී ජීවා